موقع تعليمى ترفيهى ثقافى
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
على جميع اعضاء الموقع الدخول على موقع المدرسة الجديدhttp://www.hadethabanat.com ومن خلاله يمكنكم دخول المنتدى برجاء اتباع التعليمات لعدم الغاء العضوية الكترونيا ويمكنكم دخول المنتدى من خلال الصفحة الرئيسية للموقع المشار عنه
على جميع اعضاء الموقع الدخول على موقع المدرسة الجديدhttp://www.hadethabanat.com ومن خلاله يمكنكم دخول المنتدى برجاء اتباع التعليمات لعدم الغاء العضوية الكترونيا ويمكنكم دخول المنتدى من خلال الصفحة الرئيسية للموقع المشار عنه

تنهنىء اسرة الموقع جميع اعضاء هيئة التدريس وجميع الطالبات بالمدرسة بالعام الدراسى الجديد 2010-2011 والذى يبدأ يوم السبت الموافق 18/9/2010

تهنىء  اسرة الموقع جميع الطالبات الناجحات  فى السنة الدراسية الحالية 2010 وتقبلوا منى اجمل باقة من التهانى والامانى وحظ اوفر للطالبات الغير موفقات
بحـث
 
 

نتائج البحث
 
Rechercher بحث متقدم
المواضيع الأخيرة
» منهج الصف الاول تربية فنية ترم اول power point
السبت نوفمبر 16, 2013 10:12 am من طرف mamdouhshaheen

» نشط ذاكرتك
الجمعة نوفمبر 09, 2012 3:47 am من طرف tahany

» فوز فصل 1/3
الخميس نوفمبر 08, 2012 10:05 am من طرف tahany

» فصول ورواد المدرسة
الخميس نوفمبر 08, 2012 9:56 am من طرف tahany

» بيانات الفصول
الخميس نوفمبر 08, 2012 9:55 am من طرف tahany

» اكبر مكتبة لاغانى مصطفى قمر
السبت أكتوبر 06, 2012 3:01 am من طرف اسيا

» اختبارات ذكاء مضحكة تتحول لغباء ؟
الجمعة أكتوبر 21, 2011 4:46 am من طرف اسيل

» صور تحفه
الجمعة أكتوبر 21, 2011 4:34 am من طرف اسيل

» يوميات طفل شقياان جداااا ... ههههههههههههههههه
الجمعة أكتوبر 21, 2011 4:20 am من طرف اسيل

صحف
صحف مصرية
جريدة المصرى اليوم
جريدة اليوم السابع
جريدة الجمهورية
جريدة الاخبار
جريدة الاهرام المسائى
جريدة الشروق المصرية
 
موقع الوزارة
 
وكيل وزارة التربية والتعليم بالغربية
السيد الاستاذ /فتحى هراس
وكيل وزارة التربية والتعليم بالغربية
المدير العام
 
الاستاذ مجدى عبد الحميد تركى
مدير عام إدارة غرب طنطا
الهيئة القومية لضمان الجودة والاعتماد
د. مجدى القاسم
رئيس الهيئة القومية لضمان الجودة والاعتماد
موقع الهيئة
 
 
مدير عام الموقع
 
مجلس إدارة الموقع
مجلس إدارة الموقع
مجدى احمد مصطفى
مدير عام الموقع
ايرينى شحاتة 
حاسب آلى
أشرف سامى
مناهل معرفة
يناير 2019
الإثنينالثلاثاءالأربعاءالخميسالجمعةالسبتالأحد
 123456
78910111213
14151617181920
21222324252627
28293031   
اليوميةاليومية
تصويت
هل تشعر بالرضا عن مستوى اداء المدرسة
نعم
50%
 50% [ 9 ]
لا
50%
 50% [ 9 ]
مجموع عدد الأصوات : 18
مركز تحميل
http://arabsh.com/
أفضل 10 أعضاء في هذا المنتدى
مجدى احمد مصطفى
 
dina salah
 
tokayahia
 
Ne$m@ Mohamed
 
nadanada
 
nada hosam
 
toaa
 
ميرنا خالد
 
شروق اسامه محمد
 
*b$@NT*
 

شاطر | 
 

 يا نعيش عيشه فل .... يا نموت احنا الكل

اذهب الى الأسفل 
كاتب الموضوعرسالة
مجدى احمد مصطفى
مدير عام الموقع
مدير عام الموقع


عدد المساهمات : 201
تاريخ التسجيل : 26/10/2009

مُساهمةموضوع: يا نعيش عيشه فل .... يا نموت احنا الكل   الجمعة نوفمبر 27, 2009 11:15 am

يا نعيش عيشه فل .... يا نموت احنا الكل

السلام عليكم و رحمة الله و بركاته

في البدايه أحب أوضح ان انا مواطن عربي عادي مليش أي انتماء او توجه سياسي يعني انا لا متشدد لفكر معين و لا بدافع عن جماعه معينهو لا اتجاه سياسي معين

و حابب اني أسأل سؤال واضح و محدد

هو ايه إلي مانع ان الدول العربيه تتحد ؟

مع ان الشعب العربي كله زي ما بيقولو في الأزمات الأخيره على قلب رجل واحد و موقف واحد

يعني أنا من يوم ماوعيت على الدنيا و انا بسمع الرؤساء العرب بيتكلمو عن سوق عربي مشتركه طيب ايه إلي مانعها
ايه إلي مانع ان يكون لينا عمله واحده و جيش واحد اتفاقية دفاع مشترك على شاكلة حلف الناتو في أوروبا مثلا
برغم ان مواردنا العربيه ضخمه سواء موارد ماديه أو بشريه

هل المشكله في الزعماء العرب طيب ايه مشكلتهم هل كل واحد منهم عايز يعملي فيها زعيم و شوية خلافات شخصيه بيحولوها بقدرة قادر لموقف بين دولتين شقيقتين
يعني انا مستغرب جدا ان الناس بتموت في غزه و لسه الزعماء بيتكلمو هو مين إلي كان السبب في الحرب و عمالين يرمو تهم على بعض طيب ما بدل ما تقطعو في بعض و كل واحد يطلع عامل فيها بارم ديله طيب ما تقطعو في عدونا

حيطلع واحد يقولي الإقتصاد أقوله طيب ماذا يمنع ان المستثمرين العرب بدل ما هما مشغلين فلوسهم في أمريكا او أوروبا ما نشغلها في بلادنا

و لو على حتة الزعامه ما في واحد اسمه المين العام لجامعة الدول العربيه و يتعمل زي اوروبا كل كام شهر تبقى بلد من البلدان الدوره دي تحت قيادتها

بسمع أصوات بتقول مصر و اتفاقية كامب ديفيد طيب و اشمعنى مصر و لا سوريا و لا غيرها هي المعنيه بالحرب ما هو يا نحارب سوا يا بلاش و إلي يغيظك ان بلدان من إلي بتتكلم دي عندها قواعد امريكيه على أراضيها طيب ما تمشو الأمريكان و يحل محلهم في القواعد دي كتائب من الجيش العربي إلي بقول عليه

و سيبكم من النغمه إلي بتقول تدخل ايراني و كلام فاضي من ده ما هو احنا لو بقينا ايد واحده و بفكر واحد محدش حيعرف بتدخل في شؤوننا انما لما كل واحد في حته أمركيا حتشوف مين حبايبها و تدخل من خلالهم و ايران نفس الفكره و غيرهم و غيرهم

فيها ايه لما موارد مصر تتحط على موارد المغرب العربي و موارد الخليج تتحط مع بعضها و تتلغى الجمارك و تبقى الحدود ما بينا حاجه شكليه مش أكتر و برضو إلي بيحرسها الجيش العربي و يدعم من كل حكومات الدول العربيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tantahadithaforgirls.ba7r.org
*b$@NT*

avatar

عدد المساهمات : 45
تاريخ التسجيل : 07/11/2009
العمر : 23
الموقع : bose19952000@yahoo.com

مُساهمةموضوع: رد: يا نعيش عيشه فل .... يا نموت احنا الكل   الجمعة نوفمبر 27, 2009 3:12 pm

كلامك جمبل يا مستر بس مين يسمع و اصلا الى انت بتتكلم عنه ده فى الاحلام من المستحيل اصلا انه يتحقق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.nogomi.com
Huda sho3eeb

avatar

عدد المساهمات : 25
تاريخ التسجيل : 02/11/2009
الموقع : www.koora.com

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 3:52 pm

انا بقول ان لغاية دلوقتي مفيش اي حاجة تثبت ان احنا وطن عربي متحد ده كفاية الحدود اللي بين كل دولة والتانية.....انا مش فاهمة فين الوطن العربي ده اذا كان احنا بنقطع ونموت بعض علي ماتش كورة تصوروا لما الكورة ناس تموت بسببها ..امال فين العروبة ..بصراحة مفيش حد مقدر النعمة اللي هم فيها ان احنا نكون اشقاء ف الوطن العربي ...الوطن العربي كل منطقة لوحدها وعمرنا ما هنبقي متحدين .....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محب عبود



عدد المساهمات : 6
تاريخ التسجيل : 26/11/2009

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 4:00 pm

الجقيقة كلامك يبدو صحيح، ولكن العبرة بالنتائج يعنى لو فيه فكرة ازاى نحكم عليها انها صح او خطأ اليس بالتطبيق وإذا كانت الأفكار دى لم تنجح فى التطبيق اليس الافضل ان نفكر فى مدى صحتها انا رايى ان الكيائات الضعيفة لا تصلح ان تكون بوحدتها كيان قوى اى اننا اذا اردنا اتحاد قوى بين دولتين ينبغى أن تكون الدولتين يتمتعان بمجموعة من الصفات التى تمكن بها ان يعتبرا من الدول العصرية وأهم هذه العناصر أولا الحرية والمقصود بالحرية الانتخابات النزيهة والحرية للاحزاب ومؤسسات المجتمع المدنى ةالحرية للصحافة والرقابة الحقيقة من السلطة التشريعية على السلطة اتلتنفيذية واستقلال السلطة القضائية واحترام حقوق الانسان هى دى معايير الحرية وايضا وجود حكومة رشيدة تضع سياسةاقتصادية تخضع لرقابة الشعب ممثلا فى مجلس الشعب، وايضا ان يكون لها سياسات فى كل المجالات يختبرها الناس وإذا لم تكن مع مصالحهم يغيرون الحكومة، الشعوب التى ترغب فى الوحدة يجب ان يكون لها هذه السمات قبل ان تفكر فى الوحدة، احنا عاوزين الوحدة علشان حياتنا تبقى زى الفل موش كده فى الحقيقة ان حياتنا موش حاتبقى زى الفل الا اذا صلحنا احوالنا فى مصر وكذلك فى كل قطر واقصد بالاصلاح ما تحدثت عنه وبعد كده ممكن يكون فيه امل فى اتحاد ما او تعاون حقيقى ما او غيره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Huda sho3eeb

avatar

عدد المساهمات : 25
تاريخ التسجيل : 02/11/2009
الموقع : www.koora.com

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 4:13 pm

انا بقول ان كل حاجة ممكن تتصلح لو بدأنا احنا الاول لازم يكون فيه حكومة نزيهة وانا اقصد اللي بتحكم بالعدل مش تطبق نظام الرشاوي والوسايط اللي الحكومة بتعتبره اساس الحياة وبعدين لازم كل دولة تعمل زينا وتبعد عن الرشاوي والوسايط وبعديها هنقدر نفهم بعض وكل دولة تقف جنب التانية سعتها هنبقي فعلا قوة عظمة لازم يكون في طريقة نوحد بيها كل قطر وكل دولة ف الوطن العربي ونشيل الحدود اللي احنا اللي عملناها بنفسنا ونقف امام اي حد يحاول يقرب منا او يتعدي حدوده معانا سواء بالقول او الفعل وساعتها بس نقدر نقول علي نفسنا وطن عربي حقيقي مش كلام وخلاص............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Huda sho3eeb

avatar

عدد المساهمات : 25
تاريخ التسجيل : 02/11/2009
الموقع : www.koora.com

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 4:56 pm

او راي تاني ان المشكلة مش ف حكومة او نظام ولكن المشكلة ف الافراد وانهم بردوا كتار جدا واكبر مشكلة مش ف الحدود بين الدول ولكن الحدود و الاسوار بين الناس سواء كانوا ف بلد واحد او مدينة واحدة او حتي بيت واحد يعني كام واحد فينا مثلا عنده فكرة جاره بات جعان ولا شبعان وف مشكلة تانية ان الناس الفساد فيها بلغ حده ومداه لما نلاقي ان الاهدار والتبذير ف المحليات ف مصر بلغ ملايين المشكلة الاساسية ان المواضيع كلها عبارة عن شبكة عنكبوت عملاقة كل حتة مسئولة عن مصيبة ف حتة تانية بشكل مباشر او غير مباشر ......في قاعدة جغرافية بتقول لو سيده صينية حركت مروحتها ف سيؤدي ذلك الي تحريك الهواء بامريكا ....فماذا تتوقع من بلدان مجاورة تتعامل مع بعضها كاعداء فبالعودة للتاريخ نجد ان ملك الكويت لجأ للغرب اثناء هجوم صدام بقواته عليه ونجد ايضا حماس لجأت ايضا للغرب منذ بضع سنين حين شعرت بتباطؤ الجهود المصرية .فعذرا ايها السادة منبع الحياة ومصبها ف التعليم..... وشكرا....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محب عبود



عدد المساهمات : 6
تاريخ التسجيل : 26/11/2009

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 5:07 pm

يا جماعة الاصل ليس ان نبحث فى الوحدة لكن الاصل ان نبحث فى بناء انفسنا واول خطوة حقيقية فى البناء هى الحرية وإذا قدرنا اننا نكون احرار فى بلدنا حانقدر نقيم علاقات صحية مع مجتمعات حرة اخرى ولو اردنا احنا وهم وقتها ان نتحد حايكون ده منطقى جدا اما اتذدا كنا غير كده ينطبق علينا المثل اتلم تنتون على تنتن..............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Huda sho3eeb

avatar

عدد المساهمات : 25
تاريخ التسجيل : 02/11/2009
الموقع : www.koora.com

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 5:25 pm

.باكد تاني ان المشكلة ف التعلـــــــــــــــــــــــــــــــــــــيم بشكل اساسي بدليل ان مشكلة الاحزاب اللي المفروض انها بتكون دليل ع الحرية ملهاش اي تاثير يذكر بسبب التعليم معندهمش كوادر سياسية مؤهلة لانها تكون بذرة للتعبير غن الحرية والرغبة ف التغير ولو بصينا ع اي مشكلة هنلاقيها نتيجة اساسية لنقص ف الوعي والناتج عن نقص فب التعليم ومش هنلاقي تعليم كفؤ من غير ناس بتفهم تقدر توصله للمتلقي وده مش هيتم من غير وعي يعني احنا بندور ف حلقة مفرغة ... واظن المفروض نستعين بدولة زي اليابان ف تطوير المناهج التعليمية كما سبقنا لهذه الخطوه الولايات المتحدة وبعد ذلك يتم توحيد المناهج ع مستوي الوطن العربي فنجد الاشبال متقاربين ف الفكر فيسهل التوحيد بعيدا عن الحدود السياسية ف الجيل الحالي اتفق ع الايتفق فالحل ف الاجيال القادمة ....وعذرا ان تم الخروج عن النص...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرنا خالد



عدد المساهمات : 55
تاريخ التسجيل : 02/11/2009
العمر : 21

مُساهمةموضوع: رد: يا نعيش عيشه فل .... يا نموت احنا الكل   السبت نوفمبر 28, 2009 6:11 pm

يا جماعه كل اللي انتوا قلتوه ده كلام صح بس عمالين تقولوا الحكومه هي السبب لا يا جماعه الحكومه والشعب هما السبب
عارفين ليه!! اا انا اقولكوا ليه لان انتوا مابتقلوش الكلام ده مثلا لعلى تلفزيون ولا اي حاجه عمالين بس نكلم وخلاص اكننا بنكلم نفسنا وبعدين انا احب اعلق بردو على كلامك يامستر احنا عمرنا ماهنبقى امه عربيه واحده اذا كان الجزائر عملت معانا مشكله لا وعلي ايه عل ماتش كوره يعني في النهايه مكسب وخساره احنا سهل يتفرق مابينا بسهوله انا في النهايه نفسي اقول حاجه واحده بس وكان نفسي مصر كلها تسمعني والعالم العربي كله احنا ايه اللي مانعنا ان احنا نبقى امه عربيه واحده ؟؟ كل دوله في وادي لوحدها ياريت ياجماعه نبقى امه واحده ونحط ايدينا في ايد بعض فالاتحاد قوه و التفرقه ضعف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Huda sho3eeb

avatar

عدد المساهمات : 25
تاريخ التسجيل : 02/11/2009
الموقع : www.koora.com

مُساهمةموضوع: رد: يا نعيش عيشه فل .... يا نموت احنا الكل   الأحد نوفمبر 29, 2009 5:25 am

انا معاكي ان الشعب له دور مهم بس لو فيه حكومة نزيهة كان هتقدر تسيطر ع الشعب مهما كانت مدي الشغب اللي وصل ليه الشعب لازم الحكومة تفهم الشعب عشان تقدر تتفاعل معاه ف المجتمع وده مش ف مصر بس ده ف الوطن العربي كله ومش معني كدة ان كل دولة لما تتفاعل مع بعضها تقول احنا عندنا قوة وتتعدي ع حقوق الدول العربية الاخري لازم يكون التفاعل مش بين الشعب والحكومة ف البلد بس ده لازم يكون الحكومة والشعب ف الدول العربية كلها.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محب عبود



عدد المساهمات : 6
تاريخ التسجيل : 26/11/2009

مُساهمةموضوع: رد: يا نعيش عيشه فل .... يا نموت احنا الكل   الأحد نوفمبر 29, 2009 4:38 pm

تسمحوا لى اقولكم راي حالة الشعبالموجود عليها الان من استكانة وتبرير للفساد وضعف ومهانة هى نتيجة وليست سبب وان كانت مع استمرار اوضاع سيئة اصبحت تتفاعل مع الاوضاع دى وبقينا نواجه مشاكل مركبة النتيجة هى سبب فى حالة ونتيجة فى حالة اخرى لكن اذا اردنا ان نمسك بالجوهر اظن اننا لازم نتكلم عن حاجتين الحرية والتعليم الحرية لانها حا تمكننا من مراقبة انفسنا واصلاح عيوبنا والتعليم لان ده الاساس العميق اللى بيه نبنى البشر على اسس سليمة والتعليم باقصد بيه التعليم العصرى الحديث اللى لا يمنع الناس من التفكير والبحث واللى يوقف اساليب التلقين والحشو واللى فيه يتعلم الانسان احترام قيمة العقل والبحث، الحرية اللى الناس تعرف فيها انها كلها متساوية وزى بعض وان القانون هو الحكم بين الافراد والناس كلهم متساوين امامه وان موش من حق اى حد ياذى اى انسان على الاطلاق او يعتدى على جسده او عقله يعنى خريته فى التفكير او روحه يعنى الايمان او الدين الذى يختاره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا نعيش عيشه فل .... يا نموت احنا الكل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة طنطا الاعدادية الحديثة بنات :: كلام فى السياسة-
انتقل الى: